Byrjendalæsi - Kennsluáætlun - Vinir Afríku

 

Vinir Afríku - smábók

Höfundur Gerður Kristný

Kennsluáætlun fyrir 2. bekk

Elín Berglind Skúladóttir – Grenivíkurskóla 2013

Markmið

Þjálfa lestur (leshraða og lesskilning)

Efla orðaforða

Gera samanburð – nota venkort

Vinna með orðin í sögunni

Skrifa lýsingu við mynd úr sögunni.

Heimavinna

Nemendur fara með bókina heim og æfa leshraða. Lesa bókina einu sinni yfir og velja svo 2-4 bls. þar sem þeir lesa hverja bls. nokkrum sinnum og æfa leshraða, notað klukku með vísi eða tímatöku úr farsíma sem dæmi.

Námsmat

Nemendur vinna verkefni í verkefna- og úrklippubók, vinna sjálfsmat og kennari er með matslista til að merkja við framfarir og vinnusemi nemenda.

Lestur

Nemendur lesa bókina heima, lesa bókina einu sinni og svo velja þeir 2-4 bls. til að æfa leshraða. Nemendur lesa lýsingu sína á mynd úr sögunni.

Hlustun

Lesið bókina fyrir nemendur tvisvar sinnum. Í kjölfarið eru umræður og útskýringar á orðum og orðatiltækjum. Nemendur hlusta einnig á hvort annað lesa upp lýsingu á mynd.

Tal

Nemendur taka þátt í umræðum um orð og orðatiltæki. Nemendur taka þátt í umræðum um samanburð á flóamarkaði – tombólu og Íslandi – Afríku. Nemendur lesa upp fyrir bekkinn lýsingu á mynd.

Ritun

Nemendur vinna saman að ritun við venkorti í samanburði, skrifa svo sjálfir á blað til að setja í verkefna- og úrklippubók. Nemendur rita sjálfstætt lýsingu á mynd sem þeim var úthlutað úr sögunni. Nemendur rita sjálfsmat í lokin.

 _______________________________________________________________________________

 Lota 1

Bókin lesin tvisvar sinnum. Í fyrra skiptið er hún les yfir í heild. Í seinna skiptið er rætt um innihald bókarinnar um hvað hún fjallar. Þá eru orðin í bókinni skoðuð og merking þeirra. Rætt aðeins um fleiri hjálparsamtök sem aðstoða bágstadda, RKÍ, ABC-barnahjálp, Unicef.

Orð til að vinna með:

Fátækt	Flóamarkaður	Safaríferð	Ris	Tombóla
Ódýrt	Blettinn (raka blettinn)	Bókaormur	Rogast	Rauði kross Íslands

Lota 2

Unnið með lykilorðið flóamarkaður

Reynt að ná sem flestum orðum í orði og orð úr orði.

Lota 3 – 6

Borið saman orðin flóamarkaður og tombóla og Ísland og Afríku með venkorti. Allir vinna saman á töflu og skrifa svo á blað til að líma í verkefna- og úrklippubók.

Lota 7 – 8

Nemendur búa til spurningar úr bókinni. Hver og einn fær úthlutað blaðsíðum sem hann á að lesa í bókinni og á svo að búa til nýjar spurningar úr textanum. Svo leggja nemendur verkefnin fyrir hvorn annan. Límt í verkefna- og úrklippubók að loknu verkefni.

Lota 9 – 10

Nemendur fá ljósritaða mynd úr bókinni og eiga að skrifa hvað sé að gerast á myndinni. Límt í verkefna- og úrklippubók. Nemendur lesa upp lýsinguna sína fyrir allan bekkinn. Kennari stýrir þannig að söguþráðurinn í bókinni komi fram í réttri röð hjá nemendum.

Nemendur vinna sjálfsmat, þar sem þeir skrifa hvað gekk vel og hvað gekk illa og líma í verkefna- og úrklippubók. 

Byrjendalæsi - Kennsluáætlun - Yakov og þjófarnir sjö eftir Madonnu.

Yakov og þjófarnir sjö

Eftir Madonnu

Kennsluáætlun 2. bekkur

Unnið með málsgreinar.

Elín Berglind Skúladóttir – Grenivíkurskóli vor 2013.

 Markmið

- Þjálfa lestur og lesskilning

- Efla orðaforða

- Vinna með málsgreinar. Stóran staf í upphafi málsgreinar og punktur í enda.

 - Skoða persónur í sögunni.

- Búa til gefa og taka spil.

- Kynnast og vinna með hugtakakort.

- Æfa skrift – smærri stafi.

Námsmat

- Sjálfsmat nemenda í verkefna- og úrklippubók og mat kennara á vinnu nemenda.

  

  

Hlustun

-          Saga lesin tvisvar sinnum í seinna skiptið umræður um orð sem nemendur gætu átt erfitt með að skilja.

-          Umræður um persónur í sögunni.

Lestur og lesskilningur

-          Unnið með lykilorð, nemendur vinna saman á töflu.

-          Lestur texta og svarað spurningum.

-          Lesa og skima málsgreinar úr bókinni.

-          Spilað gefa og taka spil  - lesa málsgreinar sem nemendur eru búnir að skrifa.

-          Lesa úr hugtakakorti fyrir sessunaut sinn.

Ritun og skrift

-          Nemendur útbúa gefa og taka spil, æfa sig í að skrifa smærri stafi, skrifa málsgreinar úr sögu.

-          Nemendur semja útdrátt úr sögu (samvinnuverkefni allra nemenda).

-          Nemendur gera hugtakakort út frá persónum í sögunni, lesa úr kortinu fyrir sessunaut.

Tal

-          Útdráttur úr sögu.

-          Unnið með lykilorð, nemendur vinna saman á töflu.

-          Umræður um orð í sögunni í seinni lestri.

-          Búa til hugtakakort, umræður um persónur á töflu – allir taka þátt.

-          Lesa úr hugtakakorti fyrir sessunaut sinn.

Lota 1

Kennari les sögu fyrir nemendur í fyrsta sinn í heild sinni.

Lota 2

Kennari les sögu aftur fyrir nemendur og umræður um orð og orðatiltæki sem nemendur gætu átt erfitt með að skilja.

Orð og orðatiltæki sem gott er að ræða:

Töfrafullum	Kristalstærum	Tignarlegum	Snævi þöktum	Gnæfðu
Fjarska	Rúmstokk	Máttfarinn	Afborið	Óumræðilega
Útjaðri	Mynt – seðlar	Friða	Lúnar	Frávita
Hryggir	Skuldbundinn	Öldungur	Sérgrein	Hrífutindur
Uppspuni	Yfirnáttúrulegt	Sólarupprás	nafnbót
Leita lækningar	Taka málin í sínar hendur	Án árangurs	Bíða á milli vonar og ótta	Illa haldinn af áhyggjum
Að friða einhvern	Frávita af harmi	Mátt ekki vamm þitt vita

Lota 3

Unnið með lykilorðið Skósmiður. Nemendur skrifa í verkefna- og úrklippubók lykilorðið og hversu mörg ný orð nemendur náðu úr orðinu.

Lota 4

Umræður og útdráttur úr sögu. Rætt hvað gerðist í sögunni og saman gera nemendur útdrátt úr sögunni. Kennari skrifar á töflu svo nemendur geti fylgst með söguþræði.  Útdráttur settur í tölvu og prentað út, límt í verkefna- og úrklippubók.

Lota 5 - 7

Stöðvavinna. Nemendur vinna í stöðvum og klára verkefni. Flytja sig sjálfir á milli. Útskýrt í upphafi kennslustundar fyrirkomulag og vinnuaðferðið á hverri stöð.

Stöð 1: Skrifa heiti á sögubók, höfundi og setja markmið inn í verkefna- og úrklippubók.

Stöð 2: Lesa stuttar efnisgreinar úr sögu og svara spurningum. (Útbúið lítið hefti með texta og spurningum, límt í verkefna- og úrklippubók.)

Stöð 3: Búa til gefa og taka spil með málsgreinum, teikna mynd með hverri málsgrein. (Útbúið umslag í verkefna- og úrklippubók til að geyma spilið).

Stöð 4: Spila gefa og taka spil, þegar það er tilbúið.

Lota 8

Umræður um persónur í sögunni. Búið til hugtakakort á töflu til útskýringar á hugtakakortum. Farið yfir persónueinkenni hvers og eins og hvaða hlutverk þeir gegna í sögunni. 

Lota 9

Nemendur vinna sitt hugtakakort á blað, klippa út og setja í verkefna- og úrklippubók.

Lota 10

Nemendur lesa fyrir hvorn annan úr hugtakakortum sínum (sessunautar lesa fyrir hvorn annan). Útbúa sjálfsmat, hvað gekk vel og hvað gekk illa. (sjálfsmat límt í verkefna- og úrklippubók).

Verkefni fyrir nemendur

Lesa og svara spurningum

Einu sinni var skósmiður sem hét Yakov og bjó í pínulitlum bæ sem kúrði milli tveggja fjalla. Úr glugganum á verkstæðinu dáðist hann að fegurð náttúrunnar – töfrafullum skógunum, kristaltærum lækjunum og tignarlegum snævi þöktum fjallatindum sem gnæfðu í fjarska.

 Að hverju dáðist Yakov?

Litla bænum

Náttúrunni

Skónum sínum

Yakov átti lítinn son sem hét Mikhail og var svo veikur að hann komst ekki fram úr rúminu og svo máttvana að hann gat hvorki hreyft sig né talað. Yakov og Olga kona hans höfðu í heilt ár leitað honum lækningar en enginn hafði getað komst að því hvað gekk að drengnum. Yakov vissi að nú yrði hann að taka málin í sínar hendur.

Yakov átti son sem hét Mikhail en hvað hét móðir Mikhails?

Sandra

Olga

Yakova

Hann kraup við rúmstokk sonar síns, strauk svitann af enni hans og sagði huggandi: “Hafðu engar áhyggjur, sonur sæll. Sannaðu til allt fer á besta veg”.

Olga gat ekki afborið lengur að horfa á son sinn. “Hann er á förum úr þessum heimi” sagði hún óumræðilega dapurri röddu. “Ég sé það í augum hans”. Yakov vissi að hún sagði satt en vildi samt ekki gefast upp.

 Foreldrar Mikhails höfðu miklar áhyggjur af honum. Þau voru hrædd um að...

honum væri að batna

hann væri að deyja

að hann væri dapur

Þú verður að leita ráða hjá gamla vitringnum sem býr alveg í útjaðri bæjarins.” Sagði Olga biðjandi. “Fólk segir að hann tali við engla og geti gert kraftaverk.”.

Hvað hélt fólk að gamli maðurinn gæti gert?

góða súpu

kraftaverk

útskýrt

Yakov safnaði saman öllum peningunum sem þau áttu og hélt af stað til gamla mannsins í útjaðri bæjarins. Þegar þangað var komið barði  Yakov að dyrum og lítill drengur, ekki miklu eldri en Mikhail kom til dyra sem sagðist heita Pavel.

 Hvað vildi Yakov gefa gamla manninum ef hann vildi hjálpa?

Kindur

Pening

Safnið

“Komdu inn fyrir, Yakov og smakkaðu á döðlunum mínu.” Sagði gamli maðurinn. Yakov til léttis var svipur gamla mannsins eins blíðlegur og röddin, hann tók ofan hatt sinn og gekk inn fyrir.

 Þegar Yakov sá gamla manninn sá hann að hann var...

að borða döðlur

góður maður

með hatt

Markmið fyrir nemendur til að klippa út og líma í verkefna- og úrklippubók.

Markmið

·        -  Vinna með málsgreinar

·         - Skoða persónur í sögunni

·         - Búa til spil

·         - Búa til hugtakakort

Myndmennt - kynning á verkefnum og listamönnum - Powerpoint-kynningar

Neðansjávarverkefni

https://drive.google.com/file/d/0B_Xmd6CQP0wwSTJ6TkpMNzY5WW8/edit?usp=sharing


Paul Klee

https://drive.google.com/file/d/0B_Xmd6CQP0wwSndqcHZSZHlOMWs/edit?usp=sharing


Norðurljósin

https://drive.google.com/file/d/0B_Xmd6CQP0wwYjY5S0ctaGNkWFE/edit?usp=sharing


Georgia O'Keefe

https://drive.google.com/file/d/0B_Xmd6CQP0wwaXprZHJnUGY3anM/edit?usp=sharing


Edvard Munch

https://drive.google.com/file/d/0B_Xmd6CQP0wwbkNSRENIQUNDZWM/edit?usp=sharing

Myndmennt - kennsluáætlun - áhrif myndverks - íslenskir listamenn

Kennsluáætlun í myndmennt.

Nemendur vinna að þessum markmiðum:

Þ   Geti lýst munnlega og skriflega áhrifum í myndverki með tilvísun í verkið. Dæmi: Hvernig virkar myndin á mig? Höfðar verkið til mín? Ef ekki, af hverju ekki? Hvað ef allir litir, sem eru bláir í verkinu, væru rauðir?o.s.frv.

Þ   Geti lýst munnlega og skriflega merkingu verks að hans mati, t.d. ást, fegurð, hræðslu, hatri, æsingi, kulda, einmanaleika, gleði o.s.frv.

Þ   Þekki einn til tvo íslenska listamenn, ævi, sögu og verk hans eða þeirra

Þ   Þekki hugtökin jákvætt og neikvætt rými og beiti þeim í myndgerð, s.s. þrykki og mótun

Þ   Vinni með rýmistilfinningu í myndgerð; áhersla skal lögð á litafræði, einkum andstæða liti, ljós og skugga, heita og kalda liti

1. Kynning
   Sýna myndverk eftir íslenska listamenn. Ræða um hvaða áhrif verkið hefur á okkur. Ólafur Elíasson. Myndir á olafureliasson.de
   Sveinbjörg Hallgrímsdóttir. Myndir á Sveinbjorg.is svartfugl.isNína Tryggvadóttir. Myndir á http://www.umm.is/UMMIS/Listamenn/Listamadur/463 og á http://safneign.listasafnreykjavikur.is/is/hofundur/387Jón Stefánsson. Myndir á http://www.umm.is/UMMIS/Listamenn/Listamadur/264Þórarinn B. Þorláksson. Myndir á http://umm.is/UMMIS/Listamenn/Listamadur/173
2. Spurningar:

Þ    Hvernig virkar myndin á mig?

Þ    Höfðar verkið til mín?

Þ    Ef ekki, af hverju ekki?

Þ    Hvað ef allir litir, sem eru bláir í verkinu, væru rauðir?
Þ    Fleiri spurningar??

Taka 3-4 tölvur með. Vinna sem hópur. Skrifa niður upplýsingar um Ólaf Elíasson. Finna upplýsingar á netinu. 

Íslenska - þjóðsögur - Rauða peysan

Samfélagsfræði/Útiskóli - Skyggnusýning - leikföng og öryggi (1.-4. bekkur).

Hér er linkur á skyggnusýningu um leikföng og öryggi

https://drive.google.com/?tab=wo&authuser=0#folders/0B_Xmd6CQP0wwS3ZIWHQweWRLZkU

Byrjendalæsi - sönn saga - 1.-4. bekkur

Köttur með tvö andlit

Kötturinn með tvö andlit.

Frank og Louie er óvenjulegur köttur því hann er með tvö andlit. Hann náði nýlega 12 ára aldri, en eftir því sem best er vitað hefur enginn köttur með þennan galla náð jafn háum aldri.

Frank og Louie er frá Massachusetts í Bandaríkjunum. Hann hefur tvo munna, tvö nef og þrjú augu. Augað í miðjunni er blint. Þegar kötturinn borðar borðar hann alltaf með munni Franks.

Segja má að þessi köttur hafi níu líf því óvenjulegt er að köttur sem fæðist svona gerður lifi. Frank og Louie hefur hins vegar lifað góð lífi í tólf ár.

Eigandi hans segir að hann líkist hundi í háttum. Hann fari stundum út að ganga með hann í bandi og kettinum þyki mjög gaman að vera í bíl.

Frétt fengin af : http://www.mbl.is/frettir/taekni/2011/09/28/kottur_med_tvo_andlit/